Sísamo

No camiño de Carballo a Malpica está Sísamo, parroquia limítrofe co núcleo urbano. É, hoxe por hoxe, unha das máis poboadas do municipio. Nela estivo radicada a sede do concello tempos atrás. Conta cun importante estabelecemento de turismo rural, no que se coñece como o Pazo do Souto.

O pazo do Souto ten orixe na segunda metade do século XVII. Por aquel entón, Juan Antonio Posse de Soto, ministro da Inquisición e catedrático de medicina, levantou casa na parroquia de Sísamo, que sería ampliada e transformada en pazo polos seus descendentes.