CULTURA
Luns 19 de febreiro do 2007
Este martes, 20 de febreiro, rematan en Carballo as festas do Antroido. O tradicional enterro da sardiña porá o punto e final a unha celebración que encheu de colorido as rúas da localidade durante toda a fin de semana. O enterro da sardiña será o último acto a realizar este martes, a partir das 21,30 horas, con saída da Praza do Concello e chegada ao Parque do Anllóns, onde se devolverá a sardiña ao río. O grupo de teatro afecionado Vagalume Animación realizará unha divertida representación durante o acto. O Concello subvencionará aos dez primeiros grupos participantes do enterro. Ademáis deste último acto, durante este luns e o martes haberá outras actividades para seguir celebrando esta tradicional festa en Carballo.
XUNTA DE GOBERNO LOCAL
Luns 19 de febreiro do 2007
A Xunta de Goberno Local incluiu, na sesión ordinaria celebrada este luns, a candidatura da praia das Saíñas para a obtención de bandeira azul no ano 2007. A convocatoria completa inclúe os arenais, ademáis, de Razo e Pedra do Sal, que xa obtiveron este distintivo durante a última tempada de praias. Foi un dos acordos adoptados na sesión deste luns, na que se aprobaron, ademáis, as certificacións segunda e final da obra Rede de Saneamento en Espiño-Ramil, por importe de 8.112,74 euros, a primeira da obraRede de saneamento na parroquia de Oza, 1ª fase, por importe de 43.563,15 euros, e a primeira da obra Rede de saneamento en Rapadoiro 1ª fase - Noicela, por importe de 36.815,28 euros.
OBRAS
Sábado 17 de febreiro do 2007
A Concellería de Cultura e Ensino do Concello de Carballo ven de intensificar a actuación no plan de mellora e acondicionamento nos locais sociais e antigas escolas unitarias das parroquias. O plan, desenvolvido desde finais de 2005, durante todo o ano 2006 e agora en 2007, pretende que os residentes e asociacións de veciños das parroquias podan dispoñer da súa utilización e dinamizar así a vida social desas zonas. O obxectivo que persegue esta actuación é o de achegar os servizos ás parroquias e que estas dispoñan dos mesmos servizos e infraestructuras que na zona urbana. Este plan ven a complementar ás actuacións que se levan a cabo co adecentamento do Centro Social de Berdillo e o Local Social de Sofán.
ENSINO
Venres 16 de febreiro do 2007
A Escola Oficial de Idiomas de Carballo ven de abrir o prazo de matrícula das probas para a obtención do ciclo elemental de inglés. Éste permanecerá aberto até o 15 de marzo, sendo requisito indispensable ter superado o Graduado Escolar, 2º de ESO ou equivalentes.
DEPORTE
Venres 16 de febreiro do 2007
O Concello de Carballo foi escenario da presentación do Campionato Galego Infantil de Natación, que se vai celebrar esta fin de semana na localidade, concretamente na piscina Carballo Calero. Preto de 200 nadadores -120 en categoría masculina e 77 en feminina- daranse cita en Carballo para participar do evento, que terá lugar o sábado 17 de febreiro, a partir das 11,00 horas pola mañán e 17,30 horas pola tarde, e o domingo 18 de febreiro, a partir das 10,00 horas pola mañán e das 17,00 horas pola tarde. Polo que respecta á competición, todas as probas disputaranse contrarreloxo.
CULTURA
Venres 16 de febreiro do 2007
O mal tempo rexistrado este venres no concello obrigou a suspender a festa e baile escolar de disfraces que se ía celebrar na Praza do Concello a partir das 11,30 horas. O alumnado dos centros educativos da localidade viuse na obriga de celebrar o inicio do Antroido no colexio, se ben polas rúas de Carballo xa se pode intuir e palpar o ambiente festivo típico destas datas, cos máis pequenos lucindo os seus disfraces. Arranca o Antroido en Carballo nun día no que está prevista a realización dun obradoiro sobre o Antroido no mundo, na Ludoteca Municipal a partir das 18,00 horas. Xa pola noite, a Charanga 68+1 actuará na Praza do Concello e rúas de Carballo, de 20,00 a 01,00 horas, mentres que ás 21,00 horas terá lugar a inauguración oficial das festas, a cargo de Festicultores Group, unha nova e orixinal forma de dar a saída a unha das festas máis representativas da comarca.
MEDIO AMBIENTE
Xoves 15 de febreiro do 2007
A Brigada de Medio Ambiente de Concello de Carballo, coordenada polas concellerías de Servizos e Mantemento e Medio Ambiente, ven de proceder á localización e eliminación de nove vertedeiros incontrolados no municipio. Trátanse de dous en Pardiñas (Oza), dous na pista do lugar do Alto (Artes) a Portopaio (Rus), un na pista da Ponte Lubiáns, un na pista de acceso á EDAR de Carballo (Sísamo), un na pista á depuradora de Raíña (Sísamo), un na pista que vai ao campo de motocross (Bértoa) e outro detrás do colexio da Cristina.
TURISMO
Xoves 15 de febreiro do 2007
O Concello de Carballo participará na celebración de Xantar, Salón Galego de Gastronomía e Turismo, que na súa oitava edición se celebrará do 28 de febreiro ó 4 de marzo en Expourense. A gastronomía do concello chegará até este salón grazas á Fundación Amigos de Galicia, que ofrecerá no seu restaurante un completo menú integrado polos productos máis representativos dos concellos galegos de Portas, A Baña, Vilagarcía, Burela e Carballo. O pan de Carballo, o produto gastronómico máis típico do concello, será un dos protagonistas do menú que achegará a Xantar a Fundación Amigos de Galicia. O Salón adicaralle un día, o 28 de febreiro, a Carballo, no que poderá promocionar ante as institucións, profesionais e público en xeral os seus recursos gastronómicos e turísticos. A presentación de Xantar tivo lugar este xoves no Concello de Carballo e contou coa presenza do alcalde de Carballo, Evencio Ferrero, o concelleiro de Turismo, Luis Lamas, o presidente da Asociación de Hosteleros de Bergantiños, Manuel Gómez Eiroa, e o director xerente de Expourense, Alejandro Rubín.
ENSINO
Mércores 14 de febreiro do 2007
O Pazo da Cultura acolle este xoves, 15 de febreiro, a terceira das conferencias do ciclo Aprender para Educar, un programa organizado polo Concello de Carballo, a Asociación Socio-Pedagóxica Galega e a Deputación da Coruña. A profesora do IES A Illa de Arousa, Carme Loureiro, será a encargada de falar da Resolución de conflictos a través das habilidades sociais. O acto comezará ás 20,00 horas e haberá servizo de gardería con previa reserva no teléfono 981704300.
INFORMACIÓN
Mércores 14 de febreiro do 2007
A Deputación da Coruña presentará ante o Ministerio de Industria, Turismo e Comercio a súa candidatura para liderar o proxecto Cidades Dixitais 2, que pretende promover a implantación da sociedade da información nas administracións locais. No plantexamento inicial, existen catro proxectos individuais para catros concellos, entre os que se atopa o de Carballo. Xunto cos de Culleredo, Valdoviño e Noia, o de Carballo forma parte da iniciativa debido a que son catro concellos con características moi diferentes, que servirán para deseñar os pasos para a aplicación posterior de solucións no resto de concellos da provincia da Coruña.
TURISMO
Mércores 14 de febreiro do 2007
O Concello de Carballo participará na celebración de Xantar, Salón Galego de Gastronomía e Turismo, que na súa oitava edición se celebrará do 28 de febreiro ó 4 de marzo en Ourense. O pan de Carballo, o produto gastronómico máis típico do concello, será un dos protagonistas do menú que achegará a Xantar a Fundación Amigos de Galicia. O Salón adicaralle un día, o 28 de febreiro, a Carballo, no que poderá promocionar ante as institucións, profesionais e público en xeral os seus recursos gastronómicos e turísticos.
CULTURA
Martes 13 de febreiro do 2007
Debido ao grande éxito de afluencia, a Concellería de Cultura do Concello de Carballo ven de comunicar que a exposición Nazón de Breogán permanecerá no Pazo da Cultura até o vindeiro 25 de febreiro. Preto dun millar de persoas visitaron a mostra durante o pasado mes sendo, segundo a Vicepresidencia da Xunta de Galicia, a exposición máis visitada a nivel individual na historia de Carballo.
.jpg)