PRESENTACIÓN

Presentación do programa do 2024, xunto á Píllara de Razo

Despois do éxito das edicións pasadas, desde o Concello de Carballo queremos dar continuidade ao proxecto “Eu quero Razo – Baldaio”, que pretende crear hábitos de turismo consciente no noso litoral. Para iso contaremos de novo coas entidades que veñen desempeñando accións relacionadas coa sustentabilidade da nosa costa e con novos colectivos e persoas que comparten o mesmo obxectivo. De feito, tanto o Concello como as entidades colaboradoras neste proxecto buscamos a valorización dos recursos costeiros co convencemento de que canto máis se coñeza, máis se vai respectar. O resultado é o programa de actividades que podes ver de seguido.

PROGRAMA 2024

A maioría das accións programadas requirirán de preinscrición. As persoas participantes deberán achegarse polos seus propios medios ao punto onde se desenvolvan as actividades.

XULLO

DÍA 3 _ INICIACIÓN Á ORNITOLOXÍA, A PÍLLARA
DÍA 6 _ RUTA POLOS "CONTOS MARIÑOS DE CARBALLO", CON XABIER MACEIRAS. TREITO 1: FURNA FURADA-PEDRA DO SAL
DÍA 10 _ EXPLORANDO AS POZAS DAS MAREAS EN RAZO
DÍAS 13 E 14 _ OBRADOIRO DE PEGADAS E OS INDICIOS NOS CAMIÑOS
DÍA 17 _ OBRADOIRO DE AGASALLOS CON CREBAS
DÍA 20 _ LIMPEZA COLECTIVA DA MARISMA DE BALDAIO
DÍA 24 _ A NOITE DAS AVELAIÑAS EN BALDAIO
DÍA 27 _ FAUNA E FLORA DAS CONTORNAS DUNARES en BALDAIO
DÍA 31 _ OBSERVACIÓN ASTRONÓMICA EN BALDAIO

AGOSTO

DÍA 3 _ RUTA NOCTURNA AO MONTE NEME e ASTRONOMÍA CO PROFESOR JORGE MIRA.
DÍA 7 _ PEKEOLIMPIADAS NA AREA de RAZO
DÍA 10 _ SIMULACRO DE SALVAMENTO en RAZO
DÍA 14 _ PEKEOLIMPIADAS NA AREA DE BALDAIO
DÍA 17 _ CAMIÑANDO A RAZO
DÍA 21 _ RUTA PARA COÑECER OS SEGREDOS CULTURAIS E PATRIMONIAIS DA NOSA COSTA
DÍA 24 _ RUTA XEOLÓXICA POLA COSTA DE CARBALLO
DÍA 29 _ XORNADA DE ELIMINACIÓN DE INVASORAS EN LEIRA
DÍA 31 _ INICIACIÓN Á FOTOGRAFÍA DE NATUREZA EN BALDAIO

SETEMBRO

DÍA 4 _ “OCÉANOS, BASURAS MARIÑAS E ECONOMÍA CIRCULAR” MARES CIRCULARES COCA-COLA. Antonio Castro, director de proxectos de Chelonia
DÍA 7 _ RUTA POLOS "CONTOS MARIÑOS DE CARBALLO", CON XABIER MACEIRAS. TREITO 2: PEDRA DO SAL-RAZO

PEKEOLIMPIADAS RAZO-BALDAIO

Unha das novidades deste ano son as I Pekeolimpiadas na area de Razo e Baldaio, que terán lugar os días 7 e 14 de agosto.
Se tedes menos de 14 anos e xuntades un grupo de 5 amigos/as poderedes participar nesta competición, que terá a primeira eliminatoria o día 7 de agosto. O día 14 coñeceremos aos primeiros/as gañadores/as desta competición.

SUBIDA A MONTE NEME E ASTRONOMIA CON JORGE MIRA

Este ano temos unha interesante novidade na subida nocturna a Monte Neme que coordina Senda Nova, xa que contaremos coa presenza do profesor Jorge Mira, que nos dará unha clase maxistral sobre astronomía.

OBRADOIRO DE AGASALLOS CON CREBAS

O artista plástico e crebeiro Nando Lestón impartirá o día 17 de xullo un obradoiro no que se transformarán residuos recollidos na praia en obxectos que vas a poder agasallar, e ademais encargarase de elaborar os trofeos que se entregarán nas Pekeolimpiadas na Area.