.jpg)
Inicio Carballo ao día Hemeroteca
Luns 12 de novembro do 2007
Este mércores, 14 de novembro, instalarase a nova rotonda da Avenida da Milagrosa que enlazará coas saídas a Santiago, Ordes e Fisterra. A actuación dará continuidade á iniciada coa glorieta de conexión coa Rúa do Sol. A actuación realizarase ás 21.30h, para facer que a retención temporal afecte o menos posible ao tráfico rodado e á cidadanía.
Luns 12 de novembro do 2007
Froito da iniciativa común do Concello de Carballo e do Servizo Galego de Igualdade, o vindeiro luns 19 de novembro terá lugar a xornada de creación do Banco do Tempo de Carballo. A cita é ás 20.30h no auditorio do Pazo da Cultura e tamén servirá para dar a coñecer e expoñer os contidos de Trocatempo, páxina web dos Bancos de Tempo de Galiza.
Xoves 8 de novembro do 2007
O alcalde de Carballo, Evencio Ferrero, e a concelleria de Cultura, Belén Lendoiro, presentaron o mércores no Pazo da Cultura a programación dunha nova edición de 'Novembro con Música', unha cita xa clásica en Carballo que desta vez durará ata o 5 de decembro cun total de 14 concertos nos que haberá folk, blues, jazz e, sobre todo, música clásica.
Mércores 7 de novembro do 2007
Mañá xoves terá lugar na sede do Viveiro de Empresas da Cámara de Comercio no Polígono de Bértoa, en Carballo, unha mesa redonda sobre o sector da construción no marco do traballo do Observatorio Económico Local.
Martes 6 de novembro do 2007
O rexedor carballés, Evencio Ferrero, entrevistouse onte co deputado Xoán Manuel Cabo, presidente da Comisión de Cooperación e Asistencia ós Concellos da Deputación da Coruña, que realizou onte unha visita institucional ao Concello de Carballo.
Martes 6 de novembro do 2007
Os encontros mantidos nas ultimas semanas entre a Concellaría de Igualdade, os directivos do CEIP A Cristina e membros da asociación de nais e pais de alumnos deste centro serviron para chegar a un acordo definitivo que permitiu poñer en funcionamento o Programa Concilia.
Martes 6 de novembro do 2007
A conselleira de Política Territorial, Obras Públicas e Transportes, María Xosé Caride, mantivo esta mañá unha xuntanza cos alcaldes da Costa da Morte no Pazo da Cultura de Carballo. A conselleira confirmoulles aos rexedores asistentes que a Vía de Alta Capacidade da Costa da Morte terá características de autovía dende o primeiro momento no treito entre Carballo e Baio, xa que todas as empresas presentadas ao concurso incluiron esta característica nas súas ofertas.
Luns 5 de novembro do 2007
Os traballadores da brigada de Medio Ambiente iniciaron estes días os traballos de limpeza dunha serie de vertedoiros detectados en diferentes puntos do municipio. Ao mesmo tempo continúan tamén os labores de acondicionamento de fontes-lavadoiro e áreas recreativas nas parroquias de Rus e Ardaña, ás que se engade tamén agora a de Entrecruces.
Sábado 3 de novembro do 2007
O alcalde de Carballo, Evencio Ferrero Rodríguez, e o concelleiro de Urbanismo e tenente alcalde, José Antonio Viña, entrevistáronse na mañá de onte con Alberto González Pérez, delegado provincial da Consellería de Política Territorial, Obras Públicas e Transportes.
Sábado 3 de novembro do 2007
O alcalde de Carballo, Evencio Ferrero, e a concelleira de Sanidade, Lourdes Rey, reuníronse onte coa xerente de Atención Primaria da área A Coruña-Ferrol, María Jesús Cerecedo, unha entrevista que serviu para concretar a pronta implantación dun novo centro de atención primaria en Carballo.
Sábado 3 de novembro do 2007
De cara a rematar cos traballos de elaboración do Inventario Municipal de Bens, no que se están incluíndo as fincas catastrais nas que non consta o seu titular, o Concello de Carballo publicou un bando no que insta aos propietarios destas a xustificar documentalmente súa titularidade.
Venres 2 de novembro do 2007
A Xunta de Goberno Local do pasado luns aprobou as bases que regulan a concesión de axudas ás asociacións culturais do concello na realización dun programa anual de actividades culturais do ano 2007. Con estas subvencións o Concello de Carballo pretende contribuír á promoción da cultura e do tecido asociativo e á potenciación do seu papel no desenvolvemento cultural.