ALUMNOS/AS DE NOVE COLEXIOS ASISTIRÁN Á ACTUACIÓN NO PAZO DA CULTURA
Luns 19 de novembro do 2007
Os alumnos de entre 3º e 6º cursos de primaria gozarán durante esta mañá do martes no Pazo da Cultura do espectáculo da banda Un cuarteto divertido, que dará un concerto didáctico pensado para incentivar os cativos na aprendizaxe da linguaxe musical. Para este novo evento de 'Novembro con Música' realizaranse dúas funcións: unha ás 10.00 e outra ás 12.00 horas.
NOVA EDICIÓN DA INICIATIVA DE VICEPRESIDENCIA
Venres 16 de novembro do 2007
Como vén sucedendo nos últimos anos, a campaña 'Xuntos polo Nadal' quere facer que todos os nosos maiores estean acompañados durante as festas. Esta iniciativa da Vicepresidencia da Igualdade e do Benestar, a través da Dirección Xeral de Acción Social, está dirixida a aquelas persoas que, podendo valerse por si mesmas, teñan máis de 65 anos ou sexan pensionistas da Seguridade Social maiores de 60.
OS TRABALLOS LOCALÍZANSE AGORA EN ARTES
Venres 16 de novembro do 2007
Os membros das brigadas municipais de Medio Ambiente continúan as súas tarefas de mantemento e limpeza das fontes-lavadoiro nas distintas parroquias do municipio. Dende a xornada de onte tamén se realizan labores de limpeza de beirarrúas.
FESTIVAL DE CORAIS O SÁBADO, CONCERTO DE PIZZICATO O DOMINGO
Venres 16 de novembro do 2007
O Coro Aires de Bergantiños e a Coral Polifónica de Bergantiños actuarán mañá sábado no marco do Festival de Corais, unha nova cita do programa de 'Novembro con Música'. O evento dará comezo ás 21:00h no Pazo da Cultura.
EN FUNCIONAMENTO DENDE ONTE Á NOITE
Xoves 15 de novembro do 2007
O tráfico no interior da localidade é agora un pouco máis fluído logo da instalación o mércores á noite da nova rotonda na Avenida da Milagrosa. Ao longo da xornada de onte xoves observouse unha clara mellora da circulación nesta zona, na que se adoitaban producir severas conxestións debido á confluencia de varias vías.
DANIEL KIRILOV E VERA PAVLOVA INTERPRETARÁN PEZAS CLÁSICAS
Mércores 14 de novembro do 2007
Hoxe ás 20.00h no Pazo da Cultura continúa a programación do 'Novembro con Música' 07 cun concerto de violín e piano a cargo de Daniel Kirilov e Vera Pavlova, que interpretarán varias pezas de compositores clásicos como Bach ou Mendelson.
PARA CATIVOS DE 0 A 3 ANOS
Martes 13 de novembro do 2007
Na Xunta de Goberno celebrada onte quedou pechado o proxecto de creación dunha Galescola infantil para Carballo, como froito do convenio establecido entre a o Concello e a Vicepresidencia da Igualdade e do Benestar.
OS CONTROIS DESTA MAÑÁ NON REXISTRARON INCIDENCIAS
Martes 13 de novembro do 2007
A Concellería de Tráfico de Carballo continúa coa súa campaña de concienciación sobre a seguridade do tráfico. Esta mañá, membros da Policía Local efectuaron diversos controis de vehículos en varios puntos da localidade, facendo especial fincapé no control sobre o uso de teléfonos móbiles.
ÁS SEIS DA TARDE NO PAVILLÓN MUNICIPAL BERGANTIÑOS
Martes 13 de novembro do 2007
Os nosos maiores poderán disfrutar o vindeiro domingo, 18 de novembro, dun magosto pensado por enteiro para eles. O "Magosto dos maiores" que organiza a Concellería de Terceira Idade celebrarase no Pavillón Municipal Bergantiños a partir das 18 horas e contará coa actuación da orquestra Dilema.
REPRESENTACIÓNS ÁS 10.30 E ÁS 12.15 NO PAZO DA CULTURA
Luns 12 de novembro do 2007
O programa ''A Cultura Educa'' que organiza o Concello de Carballo dá comezo hoxe luns coas primeiras representacións do Teatro na Escola. Esta actividade nace coa pretensión de achegar o teatro aos alumnos e alumnas de Carballo e ofrecerlles aos centros educativos un recurso educativo máis, que inclúe diferentes obras segundo os distintos niveis educativos dos alumnos.
POR DIANTE DE UR TEATRO E DE SHAKESPEARE WOMEN COMPANY
Luns 12 de novembro do 2007
Feito o reconto e analizadas as puntuacións emitidas polos espectadores ao final dos oito espectáculos de teatro de sala, o Premio do Público do Festival Internacional Outono de Teatro 2007 foi para o espectáculo Noite de Reis, do Centro Dramático Galego, que participou no festival o mércores 31 de outubro con grande éxito de público. O galardón consiste en convidar esta compañía á edición 2008 do FIOT.
COMEZOU A CAMPAÑA CONTRA O USO DE TELÉFONOS MÓBILES
Luns 12 de novembro do 2007
Concellería de Tráfico e Policía Local reforzaron esta fin de semana as medidas de seguridade no tráfico mediante dispositivos de control de vehículos en distintos puntos da vila. Ao longo da madrugada do venres ao sábado realizáronse diversos controis en distintos tramos horarios, cun parte de incidencias de tres denuncias en total.
.jpg)