TAMÉN HAI ETIQUETAS PARA COLOCAR NOS AGASALLOS
Xoves 17 de decembro do 2009
O Concello de Carballo, dentro das actividades do Servizo de Normalización Lingüística, distribuirá polos principais puntos da vila unha carta dos Reis Magos, así como un modelo de misiva para que os nenos e nenas lles pidan os seus agasallos. Así, as súas maxestades de Oriente encomendáronlle ao Concello que difundise a carta que eles mesmos escribiron, dirixida a todos os cativos e cativas do municipio. Nesta carta os Reis anuncian que moi pronto andarán por Carballo, pois chegarán o día 5 de xaneiro arredor das cinco e media da tarde, e pídenlles aos rapaces e rapazas que, para non equivocarse cos agasallos, lles comuniquen os seus desexos escribíndollos nunha carta.
ABERTA DE NOVO AO TRÁFICO A RÚA VILA DE NEGREIRA
Mércores 16 de decembro do 2009
O Concello de Carballo, a través da Concellaría de Obras que dirixe Luís Lamas, informa de que veñen de principiar os traballos para dotar da primeira capa de aglomerado a avenida de Bergantiños da capital municipal. O obxectivo desta actuación, que comezou a finais de setembro deste ano, é acondicionar a totalidade da vía para que os vehículos e os peóns poidan circular con normalidade despois da apertura ao tráfico rodado da avenida de Bergantiños hai aproximadamente dous anos. A empresa adxudicataria é Construcciones Vázquez y Reino e o proxecto conta cun orzamento de 126.440 euros.
FINALIZAN AS II OLIMPÍADAS TECNOLÓXICAS
Martes 15 de decembro do 2009
O Telecentro situado no primeiro andar do Pazo da Cultura acolle o xoves 17 de decembro a celebración da II Xornada Carballo PortaAberta, unha cita que pretende abrir unha fiestra ao mundo das Novas Tecnoloxías da Información e a Comunicación e que nesta edición centrarase da implantación da Televisión Dixital Terrestre (TDT) no territorio municipal. Segundo informa o Concelleiro de Promoción Económica, Xosé Manuel García Guillín, nestes momentos a cobertura de TDT no municipio de Carballo é do 94 por cento, polo que esta cita, na que estará presente un representante da Oficina Técnica da TDT en Galicia, pretende afondar nas claves para chegar ao 6 por cento restante antes do apagón analóxico. O xoves 17 a partires das 19.30 horas.
DO 9 DE DECEMBRO AO 10 DE XANEIRO
Venres 11 de decembro do 2009
O programa de actividades do Nadal Cultural 2009 de Carballo pretende "enriquecer" estas datas creando unhas "festas moi tradicionais", segundo a Concelleira de Cultura, Belén Lendoiro. As asociacións do municipio, os centros educativos, o tecido empresarial e o Concello unen esforzos nun programa enfocado especialmente para os máis cativos e cativas. As actuación do Nadal Pequespectacular, unha cita xa consolidada ano tras ano, o Festival de Panxoliñas, a música, o teatro, as exposicións ou as visitas de Papá Noel e os Reis Magos son os protagonistas entre o 9 de decembro, en que principiaron as II Olimpíadas Tecnolóxicas do Concello de Carballo, desta volta centradas na figura de Alfredo Brañas, e o 6 de xaneiro, coa despedida dos Reis Magos.
O PRAZO DE PRESENTACIÓN REMATA O 11 DE FEBREIRO
Xoves 10 de decembro do 2009
O Concello de Carballo, a través da Concellaría de Cultura que dirixe Belén Lendoiro, convoca a XII edición do Certame Fotográfico 'Xosé Manuel Eirís'. Trátase dun concurso que pretende contribuír á creación artística e a fomentar a divulgación da fotografía e que ten lugar dende o ano 1997. A denominación de 'Xosé Manuel Eirís' para o certame provén do recoñecemento que o Concello de Carballo e as entidades culturais do municipio queren render a unha persoa vinculada ao mundo cultural e artístico de Carballo e de Galicia, preocupada pola recuperación e promoción do patrimonio cultural e pola implicación da cidadanía. Os interesados e interesadas en participar no concurso deben presentar as súas propostas antes do 11 de febreiro de 2010.
O CENTRO CONTA CON 30 NOVOS USUARIOS E USUARIAS
Mércores 9 de decembro do 2009
A Rede de Dinamización da Sociedade da Información, con sede na Aula Aberta situada no Telecentro do primeiro andar do Pazo da Cultura de Carballo, informa de que no mes de novembro que vén de rematar se impartiron un total de 4 obradoiros tecnolóxicos, a través dos que se formou a 39 persoas e que se estenderon ao longo de 30 horas. Os obradoiros impartidos este mes foron 'Iniciación á Informática', 'Iniciación a Internet' e 'Creación de correo electrónico'. Cabe tamén destacar outro levado a cabo como 'Procura de emprego a través de Internet', que pon de manifesto a grande diversidade formativa que oferta a Rede e o interese que espertou esta iniciativa, especialmente en momentos de crise económica.
ADXUDICACIÓN DA INSTALACIÓN DE PANEIS SOLARES NA PISCINA
Mércores 9 de decembro do 2009
A Xunta de Goberno Local vén de aprobar o expediente de contratación para a execución da reforma integral do mercado municipal de Carballo. Os trámites principian despois de que o Concello recibira a finais de novembro o convenio subscrito co Ministerio de Vivenda, polo que o Goberno central realiza unha achega de 1,8 millóns de euros -dos 2.443.436,78 euros do orzamento global da obra- que será efectiva nun cen por cen neste mesmo ano 2009. O procedemento de adxudicación estipulado no expediente é aberto e os criterios a ter en conta inclúen o plan de execución, a proposta económica, a reducción de prazos e as melloras sen custo adicional. Así mesmo, o expediente indica que o prazo de execución dos traballos, que está previsto que principien despois do Nadal, sexa de 16 meses.
NO APARCADOIRO DO CENTRO COMERCIAL BERGANTIÑOS
Venres 4 de decembro do 2009
O aparcadoiro do Centro Comercial Bergantiños acolle dende hoxe unha pista de patinaxe sobre xeo. Do 4 de decembro ao 10 de xaneiro os habitantes de Carballo, pero tamén de Bergantiños e de toda a Costa da Morte, así coma os visitantes, poderán desfrutar sobre os patíns por quinto ano consecutivo. Ademais, este ano a pista conta cunha novidade, xa que está feita de xeo artificial, o que, ademais de beneficiar ao medio ambiente, xa que é un material ecolóxico, supón un aforro no gasto do subministro eléctrico de máis de 10.000 euros. A organización resalta que se trata dun produto novidoso que, ademais de incrementar a seguridade, tamén reduce a sensación térmica e mellora a superficie. O Alcalde de Carballo, Evencio Ferrero, presente na inauguración, subliñou esta aposta como un impulso para que a vila "siga sendo un referente comercial para toda a familia".
MANUEL PÉREZ GONZÁLEZ, AUTOR DA POSTAL GAÑADORA
Xoves 3 de decembro do 2009
O Concello de Carballo vén de fallar o Concurso de Cartel e Programa de Nadal 2009, convocado pola Concellería de Cultura. O xurado, presidido pola Concelleira, Belén Lendoiro, estivo integrado por alumnos dos centros de ensino, representados neste caso por Daniel Lorenzo Carracedo e Antón Díaz Sánchez, do CEIP Fogar, e Uxía Esmorís Suárez e Alejandro Cotelo Bello, do Colexio Artai; por un representante dunha asociación cultural do municipio, que este ano foi Melani Recarey Gerpe, da Asociación Cultural Nemeth: e tamén participou o debuxante Miguel Anxo Calvo Pose. Logo das oportunas deliberacións, resultou elixido como 1º premio, e por tanto postal gañadora a presentada por Manuel Pérez González, do CEIP Fogar, de 3 anos, outorgándoselle un premio de 210 euros en libros e xoguetes educativos e un diploma.
COLOCADO O AGLOMERADO NA RÚA GRAVADOR MANUEL FACAL
Mércores 2 de decembro do 2009
A Concellaría de Obras e Servizos que dirixe Luís Lamas informa de que nestes momentos teñen entrado na súa fase final os traballos para mellorar os accesos ao peirao de Razo, que se desenvolven entre Arnados e Razo da Costa e cara ao porto. As tarefas de explanación están practicamente rematadas e tan só falta engadir a capa de rodadura, uns traballos que os operarios emprenderán tan pronto as condicións meteorolóxicas o permitan. A obra 'Acceso ao porto de Razo' está incluída no Plan de Obras e Servizos (POS) da Deputación de 2009, que conta cun importe global de máis de 850.000 euros. A empresa encargada dos traballos é Construcciones López Cao SL e o importe de adxudicación é de 124.537,60 euros.
RECIBIDO O CONVENIO CO MINISTERIO DE VIVENDA
Luns 30 de novembro do 2009
O Concello de Carballo xa ten no seu poder o convenio de colaboración subscrito entre a Administración Local e o Ministerio de Vivenda que permitirá sacar adiante o financiamento necesario para a reforma integral do mercado municipal. O documento coa sinatura da Ministra, Beatriz Corredor, xa está nas dependencias municipais, polo que o Alcalde, Evencio Ferrero, avanza que o proceso de contratación podería comezar xa na próxima Xunta de Goberno Local. A través deste acordo, Vivenda realiza unha achega de 1,8 millóns de euros que será efectiva nun cen por cen neste mesmo ano 2009, antes incluso do comezo dos traballos. Así mesmo, queda estipulado que as obras deben estar rematadas nun máximo de 24 meses a partires da sinatura do convenio.
LUZ VERDE PARA UN POS DE PRETO DE 700.000 EUROS
Venres 27 de novembro do 2009
O pleno da corporación sacou adiante na sesión extraordinaria do mes de novembro a aprobación dunha iniciativa veciñal da Asociación de Veciños San Salvador de Sofán. É a primeira vez que se emprega este mecanismo, recollido no Regulamento de Participación Cidadá. O obxectivo é adquirir unha parcela de 913 metros cadrados e valorada en 80.000 euros e ampliar o espazo público do adro da igrexa de Sofán para poder celebrar as actividades parroquiais. A iniciativa consiste en que o financiamento da adquisición repártese a partes iguais entre o Concello e a Asociación, con 40.000 euros cada parte. Os veciños teñen un tempo para conseguir recadar o importe, con achegas veciñais dun mínimo de 50 euros. Una vez adquirida a parcela, o Concello asume a elaboración do proxecto de remodelación, para o que xa hai un pequeno borrador.