Despois de case un mes no nivel alto, Carballo regresa este sábado 21 ao nivel medio de restricións pola COVID-19

Os principais cambios afectan ao sector da hostalaría e tamén se amplía o horario de permanencia de grupos de persoas non conviventes

Venres 20 de agosto do 2021 Carballo ao día

Despois de case un mes no nivel alto de restricións pola COVID-19, o noso concello regresará este sábado 21 de agosto ao nivel medio, xa que a incidencia tanto a sete coma a catorce días diminuíu considerablemente. Aínda así, o último dato facilitado polo Sergas foi de 131 casos activos a 20 de agosto, polo que é importante respectar as medidas de prevención.

Os principais cambios con respecto á situación precedente refírense á hostalaría. Así queda a situación:

Os establecementos de hostalaría poden prestar servizos de terraza co 100% da capacidade máxima permitida e tamén no interior, neste caso cunha ocupación do 50%. Non se pode prestar servizo de barra. En todo caso, debe asegurarse que se mantén a debida distancia de seguridade interpersoal e a ocupación máxima por mesa ou agrupación de mesas será de 6 persoas no interior e 10 na terraza. O horario de peche ao público mantense nas 23:00 horas, ampliable ata as 01:00 sempre que se cumpran as medidas previstas no Plan de Hostalaría Segura.

O mesmo aforo establécense para o interior dos establecementos de xogos colectivos de diñeiro e azar, salóns de xogo, recreativos, apostas e similares.

E os establecementos de lecer nocturno, como pubs ou discotecas, só poderán  prestar servizo nas terrazas ao aire libre, pero amplíase o aforo ata o 75% e tamén se permite o consumo no interior cunha ocupación máxima do 50%. O horario de peche queda fixado ás 03:00 horas.

Outro cambio importante refírese á permanencia de grupos de persoas en espazos pechados ou abertos, tanto de uso público coma privado, que queda limitada ás persoas conviventes entre as 03:00 e as 06:00 horas. Podes consultar as medidas ao detalle no Diario Oficial de Galicia, que podes descargar aquí abaixo.

Ligazóns