CATASTRO DE BENS INMOBLES

Entréganse as cédulas de propiedade de fincas rústicas en Entrecruces

Mércores 31 de agosto do 2005

Os técnicos da empresa Ditecar desprazaranse a esta parroquia para lle facilitar aos interesados a retirada das cédulas. O servizo estará aberto ao público no horario sinalado, no local social da escola de Outeiriños.

Unha vez realizada a primeira fase da revisión catastral, os propietarios de fincas rústicas teñen outra oportunidade para revisar e comprobar nos planos que os erros detectados anteriormente están xa corrixidos.

Durante o mes de agosto, entregáronselle as cédulas de propiedade aos veciños de Razo, Oza, Cances, Lema, Vilela, Noicela, Rebordelos, Goiáns, Sísamo, Bértoa, Carballo, Berdillo, Ardaña e Artes. O Concello agradécelle aos veciños a súa colaboración neste proceso e prégalle aos propietarios das fincas que acudan a retirar as súas cédulas nos lugares e das datas establecidas.