Inicio Carballo ao día Hemeroteca As obras de saneamento en marcha na parroquia de...

As obras de saneamento en marcha na parroquia de Artes permitirán estender o servizo a 25 vivendas

Nestes momentos tamén temos en marcha proxectos de saneamento nas parroquias de Entrecruces, Lema, Oza, Razo, Sofán, Rus, Berdillo e Carballo

Martes 17 de novembro do 2020 Carballo ao día

Evencio Ferrero e Luis Lamas visitaron as obras de Artes

Evencio Ferrero e Luis Lamas visitaron as obras de Artes

O alcalde, Evencio Ferrero, e o concelleiro de Obras e Servizos, Luis Lamas, achegáronse ata Artes para facer seguimento das obras de saneamento que se están levando a cabo na parroquia. O proxecto, que executa a empresa Vázquez y Reino cun investimento de 199.884,67 euros, permitirá levar o servizo a 25 vivendas dos lugares de Altiboa, Vilarvello, O Alto, Vilanova e Baltar. A obra divídese en tres treitos (de Altiboa a Vilar de Francos, de Vilar de Francos a Vilarvello e do Alto a Vilanova e Baltar), o que supón o despregue de máis de 2.500 metros de rede.

Nestes momentos temos en marcha obras de saneamento nun total de 9 parroquias. As actuacións son as seguintes:

Saneamento de Taboada e A Granxa (Entrecruces)

  • Prezo de adxudicación: 231.080,81 euros
  • Empresa: Excavaciones y Obras Candal       
O proxecto está rematado. A actuación incluíu a instalación de 846 metros de canalización e 26 pozos de rexistro en Taboada, mentres que na Granxa colocáronse 822 metros de rede, 35 pozos e un bombeo. 

Saneamentos en Lema, Oza e Razo
  • Prezo de adxudicación: 188.881 euros
  • Empresa: Vázquez y Reino
Os traballos teñen como finalidade estender o servizo de saneamento aos lugares de O Pinar e Pedra do Sal (Lema); Vilar do Carballo (Oza) e Razo da Costa e Santa Mariña (Razo).

ADXUDICADOS

Saneamento A Piña-Evas (Sofán)

  • Prezo de adxudicación: 170.731 euros
  • Empresa: Vázquez y Reino
A obra inclúe a instalación de case tres quilómetros de rede entre os lugares de A Piña e Evas, na parroquia de Sofán.

Saneamentos en Betrís e Ribeira (Rus)
  • Prezo de adxudicación: 81.191 euros
  • Empresa: Vázquez y Reino
No lugar de Betrís instalarase unha rede de 463 metros e construiranse 15 pozos de rexistro. Na Ribeira serán 132 metros de tubaxes e 4 pozos, e ademais será preciso colocar un bombeo.

Ampliación das redes de saneamento e abastecemento no lugar de Vella Morta (Carballo)
  • Prezo de adxudicación: 104.583,68 euros
  • Empresa: Vázquez y Reino
Esta obra permitirá dar servizo ás vivendas situadas na estrada Carballo-Razo e renovar un treito que está moi deteriorado. En total instalaranse 525 metros de rede e 14 pozos de rexistro, así coma un bombeo. As obras tamén inclúen a rede de abastecemento de auga, en dous ramais de 443 e 14 metros de lonxitude ao longo da estrada provincial, e tamén unha boca de rego.

EN CONTRATACIÓN

Saneamento e abastecemento aos lugares do Curro, Aseñado, A Chavella, O Alto e A Redonda (Berdillo).

  • Orzamento: 275.000 euros
As obras permitirán dar servizo a un total de 32 vivendas e completar as redes na parroquia de Berdillo.

Compartir: