O Concello renova as áreas de xogos infantís nas escolas unitarias e colexios

Mércores 21 de xuño do 2006

Na actualidade estase a rematar a instalación de 14 equipos nas escolas unitarias e colexios, coas súas correspondentes áreas de seguridade. O Concello ten intención de seguir extendendo a dotación de xogos para as cativas e os cativos noutras zonas de lecer do municipio, logo de rematar con esta primeira fase que abrangue a mellora nos centros de ensino.