CULTURA

Aprobadas as Bases da Convocatoria do Concurso do Cartel Anunciador das Festas de San Xoán

Mércores 11 de abril do 2007

A Comisión de Festas faralle chegar as Bases as asociacións culturais de Carballo, institutos de educación secundaria de Carballo e da Comarca, concellos de Galicia e outras institucións culturais relacionadas co deseño, a pintura e a fotografía. O cartel realizarase en vertical, e o seu tamaño deberá estar comprendido entre 40 e 55 cm por un lado e 55 e 75 cm por outro. Nos carteis non deberá constar o nome do autor ou autora, figurando na parte posterior o pseudónimo empregado. Cada traballo irá acompañado dun sobre pechado, que no exterior levará escrito o pseudónimo do autor, e no interior o nome completo do autor ou autora, enderezo, teléfono e pseudónimo utilizado. O xurado estará constituído por un mínimo de catro membros da Comisión de Festas e un representante do Concello de Carballo, sendo a súa decisión inapelable. O xurado, ademais, resérvase o dereito de declarar deserto o concurso.