Inicio Carballo ao día Hemeroteca A novela ‘Herba moura’, segunda proposta do...

CULTURA

A novela ‘Herba moura’, segunda proposta do programa Literactúa

Martes 6 de febreiro do 2007

Teresa Moure é doutora en Lingüística xeral e exerce a docencia nas Facultades de Filosofía e Filoloxía da Universidade de Santiago de Compostela. Na súa especialidade ten publicados máis dunha ducia de traballos onde salienta a responsabilidade ética do investigador, o temor ao colonialismo e á homoxeneización cultural dentro dunha decidida vocación anti-globalización. Gañou premios como o Lueiro Rey de novela curta 2004 pola novela A xeira das árbores, o Ramón Piñeiro de Ensaio 2004 con Outro idioma é posible (2005), o Xerais de Novela 2005 con Herba Moura, o Premio Irmandade do Libro á Autora do ano 2005, o Premio da Asociación de Escritores en Lingua Galega 2005, o Premio Benito Soto á mellor novela de 2005 por Herba moura, o Premio da Crítica Española 2005 tamén por Herba moura, etc. Teresa Moure conversará cos lectores e lectoras de Herba moura o mércores 28 de febreiro de 2007 ás 20.30 h no Café Valle Inclán de Carballo.

Compartir: