BALANCE ANUAL

Protección Civil realizou un total de 2081 intervención en 2006

Xoves 18 de xaneiro do 2007

No tocante ás actuacións, Protección Civil interviu en 2006 en 6 incendios de vehículos, 103 incendios forestais e 24 incendios urbáns. En relación aos accidentes, as actuacións foron 118, debendo realizar 6 excarceración. O número de accidentes decreciu en 25 en relación a 2005. Protección Civil tivo que intervir, ademáis, en 405 emerxencias, colaborando con outros concellos afectados. Polo que respecta a Carballo, os datos das emerxencias situáronse en 115 accidentes, 44 limpezas de estrada, 22 incendios urbáns, 5 excarceracións, 53 incendios forestais, 4 incendios de vehículos, 7 incendios de colectores, 57 intervencións polo temporal Gordon, 21 por fenómenos meteorolóxicos adversos e 16 escapes de gas. Polo que respecta ao balance de prais, na época estival, a Unidade de Salvamento Acuático realizou 437 intervencións de botiquín e só 6 salvamentos, a cifra máis baixa desde o ano 1987.

O concelleiro de Persoal, Réxime Interior, Policía, Tráfico, Seguridade e Protección Civil, Ramón Eirís, agradeceu "o esforzo e traballo dos membros de Protección Civil", ademáis de aventurar que "un dos obxectivos principais a curto prazo será posta en funcionamento dun Plan de Emerxencia Municipal". O responsable de Protección Civil en Carballo, Francisco Javier Souto, engadiu que "grazas á colaboración do voluntariado púdose manter o servizo as 24 horas do día os 365 días do ano. O nivel de intervencións en 2006 foi moi movido, xa que colaboramos con outros concellos afectados, como puido ser o de Cee coas anegacións". O alcalde de Carballo, Evencio Ferrero, manifestou que "pese a ser un ano de características especiais, co incendio da estación de autoboses, o furacán Gordon ou os moitos incendios, houbo cousas positivas, como o feito de que Carballo contara con dúas bandeiras azuis. Para 2007 está previsto solicitar unha nova bandeira para a zona das Saíñas".