.jpg)
"Los labios apretados", novo documental sobre os movementos mineiros
Xoves 26 de maio do 2022 20.00 horas - Biblioteca Rego da Balsa
A Concellaría de Cultura organiza, arredor do 1º de maio, un ciclo de documentais sobre o movemento obreiro nas cuncas mineiras. Precisamente este ano conmemórase o 60º aniversario da folga mineira de Asturias de 1962, que durou dous meses e que serviu coma detonante para outras folgas en todo o territorio nacional que mobilizaron a máis de 300.000 obreiros.
Los labios apretados é un documental baseado nos feitos sucedidos durante a revolución de 1934.
Sinopse: En 2005, Sergio, o fillo dun mineiro asturiano emprende unha viaxe a Bos Aires sen saber que, en paralelo, inicia outra viaxe: a da memoria. Alí descobre un acontecemento histórico de talla mundial que ocorreu á beira da súa casa: a revolución de Asturias de 1934. E en ningunha clase de Historia lle contaran nada… O mozo navega a ámbolos dous lados do océano perseguindo o ronsel daquela revolución, que, aínda que escoitou nomear algunha vez aos anciáns do seu pobo natal, descoñece por completo.
A entrada é libre e de balde ata completar aforo.