Cultura

"Contos da lúa" con Teatro de Marionetas Trécola, no Outono na Biblioteca

Sábado 26 de setembro do 2020 11.30 horas - Biblioteca Rego da Balsa

A lúa coñece moitas historias máxicas, tolas e divertidas. Cando chega a noite -mentres durmimos- asoma a súa cariña polas fiestras e desfruta dos nosos soños. Ás veces comparte estes contos cun amiguiño que ten, el abre moito as orellas e escoita, e así sabe tantos Contos da Lúa! Todo é posible con Calcetín! Flota entre as estrelas, leva o timón dun zapato que surca os mares ou viaxa ata o mundo do revés...

Unha obra moi participativa de animación á lectura con marionetas e bonecos planos para público infantil de 6 a 10 anos.
Duración: 45 minutos
Imprescindible inscrición no 981 758 580. Entrada de balde.
Podes seguir o espectáculo en directo a través das canles de YouTube de Bibliotecas Carballo e Concello de Carballo e das páxinas de Facebook de Bibliotecas Carballo, Cultura Carballo e Concello de Carballo.
Programa Ler conta moito.
Organiza: Concellaría de Cultura