Cultura

Exposición de caricaturas de Siro López sobre a Transición

Do xoves 17 de xaneiro ata o domingo 3 de febreiro do 2019 De 17:00 a 21:00 horas - Andar 1º e 3º Pazo da Cultura

Xa podes visitar a exposición de caricaturas do pintor, escritor e caricaturista Siro López sobre o 40 aniversario da Constitución, patrocinada pola Área de Cultura da Deputación da Coruña. A mostra, que está composta por 117 debuxos acompañados de textos explicativos sobre o contexto histórico que describen, desde a época da Transición española ata a aprobación da Constitución en 1978, ten entre o seus protagonistas ao rei Juan Carlos, Adolfo Suárez, Calvo Sotelo, Felipe González, Santiago Carrillo, Manuel Fraga Iribarne, Xerardo Fernández Albor ou Francisco Vázquez. 

O camiño á Constitución é unha metáfora plástica na que o gran debuxante demostra o talento e sutil enxeño co que retrata os alporizados anos que levaron a España á democracia. Non perdas a ocasión de coñecela de primeira man. Paga moito a pena!

Público: Todos os públicos
Entrada: Libre e de balde
Organiza: Área de Cultura Deputación Coruña
Colabora: Concello de Carballo