.jpg)
Concertos solidarios no Sen Fronteiras Fest
Venres 28 de decembro do 2018 19:00 horas - Casino 1889
A programación da Semana Sen Fronteiras, organizada polo Casino 1889, chegará este venres 28 a súa fin cun festival solidario no que se darán cita algunhas das mellores bandas de rock do panorama actual galego. O grupo melidense Cuarta Xusta será o encargado de inaugurar o Sen Fronteiras Fest, que reunirá sobre o escenario a bandas tan coñecidas como a cercedense Zënzar, que se atopa en plena celebración do seu 30 aniversario, The Fakes e DJ Set.
Ademais, ao longo da velada desenvolveranse outras actividades paralelas como un mercadillo solidario, un sorteo de camisetas e cds, e varios deseños e ilustracións dos artistas Laura Tova e Bruno Elerré. Un fin de festa espectacular que non te podes perder!
Organiza: Casino 1889
Colabora: Concello de Carballo