Cultura

Miro Villar presenta "Dorna Saudal"

Domingo 8 de xullo do 2018 20:00 horas - Xardín Municipal

A Praza dos Libros será escenario da presentación do libro Dorna saudal. Poemas do mar e léxico mariñeiro de Antón Zapata (Fervenza), unha compilación dos textos poéticos do escritor nado en Laxe (1886-Bos Aires, 1953) relacionados co mar e, especialmente, coa Costa da Morte. Estudo, edición literaria e notas do libro son obra do escritor ceense Miro Villar (1965), que estará presentando o seu último traballo acompañado polo xornalista Xosé Ameixeiras.

Miro Villar é profesor de lingua e literatura galegas, poeta, narrador e crítico literario. Doutor en Teoría da Literatura e Literatura Comparada coa tese «A poesía galega de Antón Zapata García. Edición e estudo». Tamén ten formado parte do Batallón Literario da Costa da Morte.