35 expositores participan durante a fin de semana en Expo Voda
Do sábado 11 de novembro ata o domingo 12 de novembro do 2017 11.00 a 20.00 horas - Mercado Municipal
O mercado municipal de Carballo volve a abrir as súas portas a un dos eventos con máis glamur do ano: Expo Voda. A quinta edición do Salón de vodas, comuñóns e celebracións que organiza o Centro Comercial Aberto (CCA) celebrarase os días 11 e 12 de novembro, de 11.00 a 20.00 horas.
Para conmemorar este quinto aniversario a entrada a Expo Voda será, por primeira vez, de balde. E, ademais, o público non só non terá que pagar, senón que ademais poderá participar nos sorteos de dúas fins de semana en parella que se realizarán tanto o sábado como o domingo ás 19.30 horas.
Expo Voda será moi semellante ás catro edicións anteriores, con 37 stands de 35 empresas de sectores moi variados pero que son imprescindibles para calquera celebración.