Foliada de Apego para familias con nenos/as de 0 a 6 anos

Venres 20 de decembro do 2024 16.00 e 18.00 horas - Mercado municipal Lingua

O venres 20 de decembro será un día de festa para as familias con nenos e nenas de 0 a 6 anos, porque, despois da excelente acollida que tivo o ano pasado, volve polo Nadal a Foliada de Apego organizada pola Concellaría de Normalización Lingüística.

A festa celebrarase na planta alta do mercado municipal. Para as 16.00 horas están anotada as familias que se inscribiron para a visita do Apalpador e para os obradoiros de foliada. Todos/as os/as participantes serán agasallados cunha árbore.

A partir das 18.00 horas abriranse as portas para todas as familias que queiran sumarse á festa. Haberá foliada coas asociacións Nemeth, Arume de Verdillo, Escola do Alprende, San Campio de Cances, Ría de Lema e San Miguel de Vilela. E despois de cantar e bailar haberá chocolate quentiño con pan de ovo de Carballo para repoñer forzas.