Xornada de portas abertas en APEM con motivo do Día da Saúde Mental

Luns 10 de outubro do 2022 Horario de mañá e tarde Benestar

Cada 10 de outubro dende hai 20 anos celébrase o Día Mundial da Saúde Mental, unha efeméride impulsada pola Federación Mundial para a Saúde Mental e a Organización Mundial da Saúde coa finalidade de visibilizar o trastorno mental e xerar un conxunto de estratexias que sirvan de apoio ás persoas que o padecen. O lema deste ano é Facer da saúde mental e o benestar para todos unha prioridade mundial.

Con motivo do Día Mundial da Saúde Mental, a Asociación Pro Enfermos Mentais (APEM) organiza unha xornada de portas abertas nas súas instalacións da avenida da Cristina, para que toda a sociedade carballesa e bergantiñá poida coñecer de primeira man o labor que se leva a cabo no centro.