A Ruta das Férvedas pecha o "Outono en marcha" de Senda Nova

Domingo 29 de novembro do 2020 Saída ás 08.15 - Rúa Venezuela Deporte

A Asociación Ambiental Senda Nova pecha o seu "Outono en marcha" cun percorrido de 15 quilómetros pola Ruta das Férvedas, que abrangue dende o barrio da Brea ata San Paio de Entrecruces. 

A saída das persoas participantes realizarase ás 08.15 horas dende a rúa Venezuela.

A Depresión Meridiana guía o percorrido dende Carballo ata a férveda de San Paio. Corredoiras cheas de encanto para unir saltos de auga formados pola citada valgada que percorre Galicia de norte a sur. Construcións relixiosas como as igrexas de Ardaña ou Entrecruces dividen un sinxelo itinerario a cabalo entre a montaña e os fértiles vales destas dúas parroquias e tamén da de Rus. O templo desta tamén nos acolle, e pasa por ser dos máis importantes da bisbarra, sorprendendo pola súa beleza e unha envexable grandiosidade multiplicada polo estratéxico do emprazamento.

Prazas limitadas.
Participación de acordo ás medidas de prevención da COVID-19 en vigor.
Inscricións (ata 2 días antes da ruta):

• Base de Protección Civil de Carballo. Edificio do Ambulatorio vello, 2º andar: luns a venres de 9:30 a 13:30h
• Museo de Bergantiños: mércores de 17 a 19h
• Espazo da Natureza de Oza: xoves e venres de 17 a 20h.