I Festival de xogos e deportes tradicionais galegos na Semana Europea da Mobilidade

Martes 18 de setembro do 2018 17.00 horas - Praza do Concello

Continúan as actividades da Semana Europea da Mobilidade, organizadas pola Concellaría de Planificación e Mobilidade Urbana entre o 16 e o 22 de setembro. Para o martes 18 está programado o I Festival de xogos e deportes tradicionais galegos, que se levará a cabo na Praza do Concello coa colaboración do Museo Etnolúdico de Galicia (Melga). Durante toda a tarde, nenas/os e maiores poderán desfrutar con todo tipo de xogos e xoguetes, dándolle á rúa un enfoque lúdico. A actividade vai dirixida a todos os públicos e é gratuíta.