Últimos actos de Entroido nas parroquias de Ardaña, Artes e Cances

Sábado 17 de febreiro do 2018 Consultar horarios e lugares Cultura

O Entroido ofrécenos a penúltima posibilidade de gozar dunha das festas máis divertidas do ano, porque, aínda que quedan actos para os días 20 e 24, este sábado 17 coinciden varias celebracións.

A Asociación de Veciños Santa María de Ardaña celebra ás 14.30 horas un cocido no restaurante Casa Sánchez, con sorteo, premios e baile de disfraces. 

Pola súa banda, a Asociación Cultural Aquelarre de Artes ten preparada unha festa de Entroido no local social a partir das 17.00 horas. Haberá concurso de disfraces tanto para nenos/as como para adultos/as, con degustación de doces de Entroido incluída.

Tamén no local social da parroquia, a Asociación Cultural San Campio de Cances celebra a partir das 20.30 horas unha actividade denominada Cantares en el corral de la palleira, que inclúe chocolatada e agasallos para as persoas que leven doces caseiros de Entroido.