Semana da Mobilidade: ruta urbana en bicicleta

A xornada do luns 14 de setembro completarase ás 20.00 horas cunha ruta urbana en bicicleta, con saída tamén desde a Praza do Concello e aberta a participantes a partir de 8 anos. O percorrido pasará por distintos barrios da vila e permitirá trasladar á rúa, nunha actividade acompañada, os coñecementos relacionados coa circulación segura.

A iniciativa parte da idea de que fomentar o uso da bicicleta como medio habitual de mobilidade require tamén ofrecer ferramentas para que as persoas usuarias coñezan como deben compartir o espazo público con peóns e vehículos.

A actividade intégrase así nun dos eixos principais da Semana Europea da Mobilidade en Carballo: avanzar cara a unha mobilidade máis sostible, pero tamén máis segura e respectuosa entre todos os modos de desprazamento.