Semana da Mobilidade: circuíto de bicicletas adaptadas con Íntegro e Enki

A accesibilidade universal será a protagonista da Semana Europea da Mobilidade o venres 18 de setembro.

A Praza do Concello acollerá ás 18.00 horas un circuíto de bicicletas adaptadas, organizado pola Asociación Íntegro en colaboración coa Fundación ENKI.

A actividade será de participación libre e ofrecerá a oportunidade de coñecer e probar solucións de mobilidade adaptadas a diferentes capacidades.

A xornada pretende visibilizar que unha mobilidade verdadeiramente sostible debe ser tamén accesible e permitir que todas as persoas poidan participar en igualdade de condicións.