FIOT – Rúa dos Contos: “As ben dadas” de Atenea García

#35 FIOT |  ESTREA ABSOLUTA

Esta proposta rexoubeira fai un percorrido polas disidencias sexuais en Galicia ao longo do tempo. A través da narración oral e das historias de vida, a actriz e narradora de longa traxectoria Atenea García convida a visitar esas marxes que poucas veces ocuparon o centro dos relatos. Cun humor afiado e moita retranca, o espectáculo cuestiona algúns dos grandes mitos arredor da diversidade sexual: desde a idea de que é algo recente ata a crenza de que o rural foi sempre un espazo máis hostil ca a cidade.

Un monólogo para revisar o pasado, desmontar tópicos e lembrar que a historia tamén se escribe desde as marxes. Vide as que sodes ben dadas!

• Sábado 3 de outubro
• 23.00 h
• Salón Social do Pazo da Cultura
• Entrada: 5 €
• Público adulto (+14 anos)

ATAQUILLA.COM