Festival Rockin’

Carballo volve a converterse no altofalante do rock independente coa celebración do Festival Rockin’. Como en anos anteriores, as actuacións estarán concentradas en dous escenarios: a sesión vermú no Escenario Magnolia do Parque do Anllóns e os concertos nocturnos na Praza do Concello. A entrada é de balde.

• 13.00 horas. Sesión vermú no Escenario Magnolia do 📍Parque do Anllóns: un espazo para gozar en familia co rockabilly e garage punk de Stompin’ Riffraffs, chegados desde o underground de Tokio, e cos veteranos portugueses The Mean Devils.

• 21.00 horas. Concertos nocturnos na 📍Praza do Concello cos seguintes artistas:
  • Charlie, banda carballesa na que destaca a voz de Carla Queijo.
  • Mentah, dúo chegado de Ferrol que achegará o seu son intenso, honesto e emocional que xa é un referente na escena galega.
  • Tiburona: o potente power trío madrileño chega para demostrar que a presenza feminina é unha necesidade e un signo de calidade na música en directo.
  • León Benavente: como cabeza de cartel, a banda de rock alternativo traerá a Carballo a súa enerxía visceral e as súas letras afiadas que analizan a realidade social actual.

• Organiza: Concello de Carballo
• Colaboran: Comisión de Festas de San Xoán, Carballo en Rede, CIM, Pacto de Estado contra la Violencia de Género
• Produce: Embora Producións