Visita guiada a Aldemunde coa Cooperativa de Educación Medioambiental

A última actividade do programa MercaEscola, que foi adiada o 25 de maio por mor da alerta amarela por tormentas, atopa encaixe no programa da Semana do Medio Ambiente. A Cooperativa de Educación Medioambiental (CEM) guiará unha ruta por Aldemunde que nos permitirá saber máis sobre os importantes recursos naturais e patrimoniais da parroquia máis pequena do noso concello.

Este é o plan:
17.00.- Saída en autobús desde Carballo (mercado municipal)

17.15.- Chegada a Aldemunde de Arriba. Punto de inicio da ruta
• Dolmen Pedra Moura
• Aldemunde de Arriba
• Castro de Aldemunde
• A Lagarteira
• Fraga da Ribeira da Pena
• Muíños da Ribeira da Pena
• A Lagarteira
• A Fonte

19.00.- Fin de ruta na Praza da Fonte

19.15.- Chegada a Carballo

(Os horarios son orientativos e poden variar en función das condicións meteorolóxicas ou doutras circunstancias alleas á organización)

Características técnicas:

• Distancia: 3,4 km
• Dificultade: baixa
• Altitude máxima: 425 m
• Altitude mínima: 291 m
• Desnivel acumulado positivo (ascenso): 125 m
• Desnivel acumulado negativo (descenso): 170 m

Inscricións no formulario inferior. Últimas prazas dispoñibles!