Ademais de todas as propostas que se desenvolverán entre outubro e xuño dentro do programa Remocea, dirixido a persoas maiores de 60 anos, pensionistas e/ou xubiladas, en setembro arrincarán as Andainas de Remocea, unha iniciativa da Concellaría de Mobilidade coa que pretendemos fomentar o exercicio físico e poñer en valor a riqueza das nosas parroquias a través do coñecemento dos seus valores culturais e ambientais nunha serie de rutas guiadas por zonas rurais.
As Andainas de Remocea serán os domingos pola mañá. Todos os itinerarios serán circulares, de 2 a 3 horas de duración e dificultade baixa, e as persoas participantes terán que achegarse ata o punto de encontro polos seus medios. Persoal técnico cualificado da empresa Vía Inqueda encargarase da organización dos percorridos, segundo o seguinte programa:
- 7 de setembro: Sísamo (saída da igrexa)
- 14 de setembro: Artes (saída do Pazo de Vilar de Francos)
- 29 de setembro: Ardaña (saída do centro social)
- 5 de outubro: Oza (saída da igrexa parroquial)
Para participar nas Andainas de Remocea só se precisa unha forma física normal, roupa e calzado cómodos, unha mochila con algo de comida e auga, e ganas de coñecer o noso territorio!
Inscricións a partir do día 28 de agosto en carballo.gal (Axenda)