Punto de paso obrigado entre a Costa da Morte e A Coruña, Carballo sempre foi unha vila de comerciantes. As tendas e negocios de tradición familiar conviven cos proxectos máis innovadores de emprendedores locais para tecer unha oferta variada co toque persoal do pequeno comercio.

Cómpre destacar o produto estrela da vila, o Pan de Carballo, con varios fornos en activo que acumulan décadas de tradición, historia e saber facer. Especial mención merece tamén o obradoiro artesanal de chocolates Mariño, que cumpre 100 anos en 2027.

Se buscas algo especial e diferente, orixinalidade e trato personalizado, ven de tendas por Carballo e conversa cos nosos comerciantes. Hai moito por descubrir no comercio local.