Toma nota do cartel de bailes para os domingos de maio

O Concello de Carballo, a través da Concellería de Terceira Idade, continúa co programa “Baile no mercado”, unha iniciativa pensada para fomentar o lecer activo e a socialización entre a veciñanza, especialmente das persoas maiores.

As sesións celebraranse todos os domingos do mes de maio, en horario de 18.00 a 21.00 horas, no mercado municipal. A actividade será de balde e aberta a toda a cidadanía.

O programa contará coa actuación de diferentes artistas e formacións musicais:

• 3 de maio: Dúo Marineda
• 10 de maio: Martín Reimúndez
• 17 de maio: Trío Karma
• 24 de maio: Martín Carrión
• 31 de maio: Dúo Nuevo Siglo

Esta iniciativa busca promover hábitos saudables a través do baile, ao tempo que se crean espazos de encontro interxeracional nun ambiente lúdico e participativo.

A Concellería de Terceira Idade anima a toda a veciñanza a achegarse ao mercado municipal e gozar destas tardes de música en directo e baile.