Proceso de participación para a definición de usos do futuro espazo cultural

Dando continuidade ao proceso de participación iniciado en setembro, convocamos ás entidades, empresas, artistas, profesionais do ámbito da cultura e persoas interesadas nesta iniciativa a participar nas sesións de traballo que terán lugar para a priorización de usos deste futuro equipamento.

• Luns 10 de novembro, ás 19.00 horas, sesión dirixida principalmente a entidades (asociacións, empresas…).
• Martes 11 de novembro, ás 19.00 horas, sesión dirixida a persoas a título particular (artistas, investigadoras, activistas, cidadanía en xeral)

Despois de ter realizado un cuestionario en liña sobre as necesidades e valoración dos equipamentos e a cultura en Carballo, nestas xuntanzas entrarase máis en detalle sobre os usos dos espazos existentes e sobre o novo equipamento municipal.

Gustaríache participar?

Se pertences a unha entidade ou empresa do ámbito cultural, se a túa actividade profesional está relacionada coa cultura ou tes interese nesta temática, enche o seguinte formulario seleccionando a data.