PLIC! | Sinatura de “O cabuchón vermello” de Alejandro Otero Jamardo

PLIC! | Sinatura de O cabuchón vermello (Espiral Maior, 2024), novela debut de Alejandro Otero Jamardo, na caseta das Bibliotecas de Carballo. Trátase dunha novela de ficción “esotérica” e de alento “histórico”. A acción narrativa desenvólvese en dúas épocas que se imbrican e superpoñen: o curso universitario 1992-1993 en Santiago de Compostela e o século XIV, sendo arcebispo da cidade Santiago Suero Gómez, asasinado na Rúa da Balconada.

O cabuchón vermello trata, en definitiva, das miserias e das ambicións desmedidas do ser humano, e explica o porqué dos abusos das elites para coa xente común, e como a loita interna contra os pantasmas dun mesmo é moi semellante á eterna teima contra os poderosos.