PLIC! | Sinatura de “As bocas cosidas” de Marilar Aleixandre

PLIC! | Sinatura de libros coa pregoeira da feira da creatividade cultural, Marilar Aleixandre. Escritora, tradutora e bióloga española, gañadora do Premio Nacional de Narrativa 2022, asinará exemplares da súa obra As bocas cosidas na caseta das Bibliotecas de Carballo.

Neste libro o pai da autora conta que lle pediron saliva para identificar un seu curmán, soterrado nunha fosa común en Valencia. Guerrilleiro comunista, morto en 1947. Nunca lles falaran del; descoñecían a súa existencia. Sobre a guerra, as bocas estaban cosidas. Unha obra onde a prosa de Marilar Aleixandre, co seu lirismo contido, ten a capacidade de dar voz aos ecos do pasado, nunha atmosfera impregnada do peso do silencio e da memoria.