PLIC! | Exhibición da Escola de Regueifa de Carballo

PLIC! | O programa da Praza dos Libros inclúe unha exhibición da Escola de Regueifa de Carballo (na imaxe nunha das súas sesións). Trátase dunha iniciativa da Concellaría de Bibliotecas, Arquivos e Normalización Lingüística que promove a aprendizaxe e a práctica da regueifa, unha das manifestacións máis singulares da tradición oral galega. Da man da regueifeira Lupe Blanco, o proxecto reúne a persoas de todas as idades para crear, improvisar e compartir versos rimados nun espazo aberto á participación, contribuíndo a manter viva esta expresión do noso patrimonio cultural e lingüístico.