PLIC! | Espectáculo infantil “Can de palleiro (outro circo na biblio)” con Dani Blanco

PLIC! | Can de palleiro (Outro circo na biblio) é un espectáculo familiar para todos os públicos no que os contos, o clown, os malabares e o humor se mesturan para crear un auténtico circo da imaxinación. Da man de Dani Blanco, as historias cobran vida a través do xogo, a participación e a sorpresa, convidando a pequenos e maiores a descubrir que os libros tamén agochan música, acrobacias e aventuras inesquecibles.

Dani Blanco (Cangas) é pallaso, bufón, improvisador, malabarista e narrador oral. Fundador da compañía AsSircópatas, leva máis de vinte anos creando espectáculos de circo, clown e narración para todos os públicos, actuando en festivais e escenarios de numerosos países. A súa proposta combina humor, imaxinación e participación, convertendo cada función nunha experiencia divertida e sorprendente.