PLIC! | Concerto de Mamá Cabra

PLIC! | A Praza dos Libros ofrece un concerto de Mamá Cabra, 25 anos de música infantil en galego. O grupo comezou a súa andaina no ano 2000. Dende entón, publicou oito álbums, tres deles con Editorial Galaxia. O resultado de combinar as cancións máis pegadizas de cada álbum é o recompilatorio Deveribés (un xogo de palabras, algo así como “o mellor”).

Os seus espectáculos musicais son moi participativos, e a súa música é divertida e incorpora valores educativos, como a adquisición de hábitos saudables e o desenvolvemento da psicomotricidade a través da danza e os movementos coordinados. Os ritmos modernos (rock, pop, funk, etc.) confiren a Mamá Cabra un atractivo especial que cativa a miles de nenas e nenos e as súas familias.

• Para público infantil