Os Ratos de Lonxedetodo volven á biblio cun agasallo para Lilí

Ás veces un pode meterse en problemas por non respectar límites. Será capaz Fuco de non probar as deliciosas galletas que preparou para agasallar a Lilí Gruyère no seu aniversario? Descubrirémolo na primeira visita do ano que farán os Ratos de Lonxedetodo á Biblioteca Municipal Rego da Balsa.

O espectáculo, dirixido a nenos e nenas de 4 a 8 anos, está baseado nos seguinte contos:

• ¡No dejes que la paloma conduzca el autobús! / texto e ilustraciones de Mo Willems– [S.l.] : EntreLibros, 2004.
• Alex e o rato de corda. Leo Lionni.  Ed. Kalandraka. Pontevedra:2017

Para asistir é preciso inscribirse cubrindo o formulario inferior. Cada persoa adulta responsable pode inscribir como máximo a 4 nenos/as.

IMPORTANTE

• Deberanse seguir as indicacións do persoal á hora de ocupar os asentos.
• Pregamos puntualidade: chegar 10 minutos antes para acomodarse do auditorio e por se é preciso ir ao baño, pois non será posible saír da función e volver a entrar. 
• Permítese máximo unha persoa adulta por grupo de nenas/os para favorecer que o público sexa maioritariamente infantil e máis menores poidan desfrutar da actividade.
• A biblioteca resérvase o dereito de admisión a persoas que cheguen unha vez comezados os eventos.
• Para cancelar a asistencia é preciso chamar ao 981 758 580.

Agardámosvos!