Obradoiro “Un baile ceibe en comunidade”

O Pazo da Cultura de Carballo acolle a celebración do obradoiro Un baile ceibe en comunidade. A Concellaría de Cultura organiza esta actividade con Fran Sieira Compañía de danza. Trátase dun taller de creación e investigación que combina formación e participación escénica. O obxectivo desta cita é a reinterpretación da danza tradicional desde unha perspectiva crítica e contemporánea, poñendo o foco na liberdade expresiva e na ruptura cos patróns normativos. A participación nesta actividade inclúe:

• Asistir á unha sesión formativa o sábado 30 de agosto de 10.00 a 14.00 horas no Pazo da Cultura de Carballo.
• A participación o xoves 4 de setembro ás 19.30 horas nun espectáculo de danza dirixido por Fran Sieira que se desenvolverá durante a presentación do FIOT (Festival Internacional Outono de Teatro) 2025, tamén no Pazo da Cultura de Carballo.
• Este obradoiro está dirixido a bailadores e bailadoras maiores de 16 anos que teñan unha experiencia mínima de dous anos en baile tradicional.

A actividade conta cun total de 16 prazas dispoñibles, das que 12 xa se cubriron grazas á participacion dos grupos de baile tradicional das asociacións do muncipio, polo que quedan catro (4) prazas dispoñibles para outros bailadores e bailadoras que queiran participar. O prazo para anotarse está aberto até o venres 29 de agosto ás 14.00 h.