Obradoiro de modelaxe de personaxes da literatura infantil en plastilina

A Deputación da Coruña organiza, en colaboración co Concello de Carballo, un obradoiro de modelaxe de personaxes da literatura infantil en plastilina.

OBXECTIVOS XERAIS
Este obradoiro de plastilina ten como obxectivo principal e directo que as crianzas pasen un rato divertido na biblioteca co seu adulto de referencia e vexan a biblioteca como un punto mais de entretenemento, realizando un boneco de plastilina baseado en contos, películas, festividades especiais,… Pero máis alá de este obxectivo, este obradoiro ten outros non menos importantes:

• Desenvolver a motricidade fina: axuda a mobilidade das mans e os dedos para mellorara grafomotricidade.
• Aprender a diferenciar formas e tamaños: partindo de formas básicas, como bolas e churros, engandindo outros elementos.
• Aprender as cores e as suas mesturas: grazas a grande cantidade de cores existentes de plastilina e a sinxela mestura entre eles.
• Fomentar a socialización: relacionarse fóra do seu grupo habitual (cole, familia, amigos…), xa que cada semana coinciden diferentes crianzas.
• Finalizacion das tarefas e consecución de obxectivos: despois de todos os pasos anteriores e traballando a paciencia, chegarán ao seu obxectivo final, xa que levarán ao seu boneco para casa.

Duración: 90 minutos
Público: nenos e nenas de 5 a 8 anos. Imprescindible que acudan acompañados/as por unha persoa adulta.
Inscricións dos/as menores no formulario anexo.