O programa “Medrando con Apego” convida ás familias a descubrir a contorna cunha andaina

A Concellaría de Bibliotecas, Arquivos e Normalización Lingüística continúa coa súa programación para a infancia coa posta en marcha dunha nova actividade ao aire libre. O vindeiro 6 de maio, a partir das 17:00 horas, terá lugar unha andaina guiada pola natureza, unha proposta deseñada especificamente para familias con nenos e nenas de entre 0 e 4 anos.

Esta iniciativa busca fomentar o lecer activo e o contacto directo coa natureza dende as idades máis temperás. O obxectivo principal é que os máis pequenos, acompañados dos seus proxenitores, poidan explorar o territorio, gozar do aire libre e crear vínculos emocionais coa súa contorna mentres se promove o uso da lingua galega en espazos de convivencia.

As familias interesadas en participar nesta xornada de exploración poden inscribirse máis abaixo.