Nadal Pequespectacular: El capitán Spriki trae “Equipo estupendo” (Circo)

Nadal Pequespectacular | Acrobacias, baile, cancións e moito humor chegan a Carballo con Equipo estupendo. Innumerables perigos ameazan o planeta e o Capitán Spriki necesitará a axuda do seu equipo de incribles superheroes e a enerxía do público para acadar os seus obxectivos: eliminar todas as malas vibracións que xeran estes perigos. Un terremoto, unha bomba, o cambio climático, a contaminación e os seus propios traumas infantís serán algúns dos problemas aos que terán que enfrontarse das maneiras máis divertidas.

Despois de percorrer o país co seu primeiro espectáculo, o capitán Spriki lanza en Equipo estupendo un formato que reúne a catro personaxes no escenario, o que resulta nun ritmo frenético, un humor divertidísimo e un excelente virtuosismo técnico.

• Luns 29 de decembro
• 18.00 horas
• Pazo da Cultura
• Entradas 7€ / 4€ prezo reducido | Na BILLETEIRA a partir do 12 de decembro
• Público familiar
• Duración: 54 minutos