Nadal Pequespectacular: CIA VÖEL presenta “Nanuq” (Circo e danza)

Nadal Pequespectacular | Nanuq é unha historia de amizade sen prexuízos onde dous corpos e dúas máscaras crean, a través da poesía visual e das acrobacias, un mundo onírico onde todo pende do límite. Circo, danza e obxectos combínanse para ofrecer unha peza atemporal e universal, especialmente para o público máis novo.

A compañía catalá Cia Vöel naceu en 2017 e dende entón vén desenvolvendo a súa propia linguaxe poética e altamente visual, que non require palabras para contar historias abraiantes. As súas propostas fomentan a imaxinación e múltiples interpretacións para o espectador.

• Venres 26 de decembro
• 18.00 horas
• Pazo da Cultura
• Entradas 7€ / 4€ prezo reducido | Na BILLETEIRA a partir do 12 de decembro
• Público familiar
• Duración: 45 minutos