#34 FIOT | ESTREA ABSOLUTA
Unha cea de aniversario. Un home e unha muller. Un bar. Todo parece normal… ata que non o é. Ela non é ela, é unha cover. Unha substituta enviada por unha empresa que ofrece persoas para cubrir eventos sociais no lugar dos seus clientes. A partir deste punto de partida absurdo, Covers2 mergúllanos nunha comedia tráxica sobre a despersonalización, a soidade e os límites da representación social. Porque quizais o que máis doe non é que nos substitúan… senón que ninguén note a diferenza.
Nesta versión especialmente creada para Metro Cadrado, o público convértese nun comensal máis desta situación surrealista. A intimidade do espazo e a proximidade coa acción fan que cada espectador sexa testemuña directa dun xogo de identidades, mentiras e soidades contemporáneas.
O almacenamento ou acceso técnico é estritamente necesario co fin lexítimo de permitir o uso dun servizo específico solicitado expresamente polo abonado ou usuario, ou coa única finalidade de realizar a transmisión dunha comunicación a través dunha rede de comunicacións electrónicas.