Foliada nos institutos coas Tocadoras do Alprende e as Cantareiras de Nemeth

O programa “Canta miña compañeira”, creado para render homenaxe ás cantareiras e tocadoras e á nosa música con motivo do Día das Letra Galegas, está chegando á súa fin. Entre as últimas citas, destaca a celebración de foliadas nos Institutos de Educación Secundaria de Carballo coa colaboración dos grupos de cantareiras do Concello. O obxectivo: achegar a tradición musical oral aos centros de ensino. Esta iniciativa está organizada pola Concellaría de Cultura coa colaboración da Asociación Cultural Nemeth e da Asociación Cultural Escola do Alprende.

• A primeira cita é o xoves 22 de maio da man da Escola do Alprende: ás 10.00 horas no IES Monte Neme e ás 12.00 horas no IES Alfredo Brañas
• A segunda cita é o luns 26 de maio no IES Monte Neme a partir das 16.00 horas coa Asociación Cultural Nemeth.

Organizan os IES Monte Neme, Isidro Parga Pondal e Alfredo Brañas, de Carballo, e o Eduardo Pondal, de Ponteceso.

Colabora a Concellaría de Cultura.