FIOT – OTNI: “Cosas pequeñas” de PSIRC

#35 FIOT | ESTREA EN GALICIA

“A súa voz é un murmurio entre algoritmos, un discurso de boomer perdido na era dos memes”

No silencio opresivo dun soto cheo de pantallas e cámaras ocultas, un home de corenta e tantos anos, cámara fracasado e malabarista líquido, vixila o mundo a través das súas lentes dixitais e analóxicas. Ante o avance imparable das máquinas e o poder dos algoritmos, propón unha reinvención e unha nova mirada. Mentres as máquinas aprenden a pensar, que nos fai verdadeiramente humanos? Esa é a pregunta desta proposta multidisciplinar na que circo contemporáneo, teatro, teatro de obxectos, microcine e poesía visual conflúen nun universo tan delicado como inquietante.

A compañía PSIRC ten unha sólida e premiada traxectoria no circo contemporáneo, e conta con amplas xiras por Europa e América. Explora unha linguaxe escénica propia baseada no humor delicado, o movemento e a experimentación visual para construír unha experiencia íntima e evocadora.

• Venres 16 de outubro
• 21.00 h
• Pazo da Cultura
• Entrada: 5 €
• Público adulto (+12 anos)
• Duración: 45 minutos

*CIRCO A-ESCENA | La Red española de Teatro, Auditorios, Circuitos y Festivales | MINISTERIO DE CULTURA, Instituto Nacional de Artes Escénicas y Música

ATAQUILLA.COM