FIOT – M²: “A vinganza contra o Dr. Tirarrollas” de Compañía Humana

#35 FIOT | ESTREA ABSOLUTA | “A ousadía de rebelarse contra os estereotipos para mirar os corpos desde outra perspectiva”

Un doutor encarnado nun sacarrollas, unha protagonista que é un queixo de tetilla e a súa nai, un cigarro nunha boquilla. A través do teatro de obxectos, nai e filla deciden vingarse dun doutor gordófobo empeñado en torturar ás súas pacientes. Pero esta será a derradeira! Creada en 2022, Compañía Humana presenta unha peza que combate con humor os estereotipos de xénero e a discriminación das mulleres na sanidade; un petisco da comedia que estrearán no vindeiro outono.

• Sábado 10 de outubro
• 12.00, 13.00, 17.30 e 18.30 h
• Pastelaría Zuccaro (Gran Vía, 46)
• Duración: 15 minutos
• Capacidade: 15 persoas
• Todos os públicos (+8 anos)
• Acceso gratuíto ata completar aforo. Debido á limitación dos espazos, recoméndase reservar praza escribindo a <fiot.microteatroentrada@gmail.com> indicando: nome do espectáculo, horario, nome e apelidos da persoa espectadora e teléfono de contacto.