FIOT – M²: “A casa do avó” de Candil Teatro

#35 FIOT |  ESTREA ABSOLUTA | “Que acontece cando a cobiza se antepón?”

A tenda de segunda man Buy & Sell organiza as súas xornadas anuais de poxas. Xoán pon á venda trebellos da casa do seu avó, recentemente falecido. Os obxectos atopan -ou non- un novo dono, e nós descubriremos a historia dunha familia rota por unha herd anza e a dun home que trata de comprender o acontecido mentres carga co peso das lembranzas.

Que vivencias gardan os obxectos aos que damos unha segunda vida? A peza creada por Jimmy Núñez convídanos a reflexionar sobre a nosa relación co consumo.

• Sábado 17 de outubro
• 12.00, 13.00, 17.30 e 18.30 h
• Buy & Sell Segunda Man (Estrela, 18)
• Duración: 20 minutos
• Capacidade: 10-15 persoas
• Todos os públicos (+12 anos)
• Acceso gratuíto ata completar aforo. Debido á limitación dos espazos, recoméndase reservar praza escribindo a <fiot.microteatroentrada@gmail.com> indicando: nome do espectáculo, horario, nome e apelidos da persoa espectadora e teléfono de contacto.