FIOT – Conversa con Grupo Chévere: “Ictus, a derradeira leición”

#34 FIOT | O grupo Chévere convídanos a abrir unha conversa arredor do cadro de Castelao A derradeira leición do mestre, fonte dun novo proxecto escénico co que explorar a construción das narrativas da memoria. Como recordamos? Que decidimos lembrar e que decidimos esquecer?

Unha reprodución do cadro estará no Pazo da Cultura entre o 1 e o 15 de outubro xunto a un cuestionario que a compañía nos anima a responder para participar do proceso de investigación desta nova creación dunha compañía esencial no tecido teatral galego, recoñecida no Premio Nacional de Teatro en 2014. Durante a cita, teremos a oportunidade de charlar con XRon, director e dramaturgo da obra, sobre este proceso de creación.

• Mércores 15 de outubro
• 20.00 h
• Pazo da Cultura
• Entrada de balde